სამზარეულოების დამზადება ქარხნულად ინდივიდუალური შეკვეთით!

Hightech

ულტრა თანამედროვე სტილი სწრაფი რითმით მცხოვრები ადამიანებისთვის.

ფუნქციური უჯრები და თანამედროვე ტექნოლოგიები მას დღეისათვის ყველაზე მოთხოვნად სტილად წარმოგვიდგენს. მზადდება ძირითადად მდფით , აკრილით ან მათი კომბინირებით. ეფექტურია ერთ ფერში გადაწყვეტილი , თუმცა ფერთა შეზღუდვა არ არსებობს.

დიზაინში გამოიყენება რუხი, ვერცხლისფერი და ოქროსფერი მეტალი, რაც განსაკუთრებულ ხიბლს მატებს ნაკეთობებს.

ჭერი ამ სტილში მატოვად იღებება , ნაკლები ბზინვარებისთვის, თეთრად ან რუხად.

კედლების დიზაინი როგორც წესი ერთ ნეიტლარურ ფერში წყდება.იატაკი ეწყობა ერთფეროვანი გრაფიკული გამოსახულების გარეშე.

Loft

სტილი რომელშიც თანამედროვეობა და სიძველე ჰარმონიულადაა შერწყმული ერთმანეთთან, იგი საოცარი კომფორტისა და სიმყუდროვის შეგრძნებას იძლევა.

ლოფტის სტილში სამზარეულოს მოწყობისას აგურით აშენებულ კედლებს არ ლესავენ და თუ სხვა მასალაა გამოყენებული აგურის იმიტაციით აპირკეთებენ.

თუ კედლები ან ჭერი ბეტონისაა მათაც გაულესავს ტოვებენ და მხოლოდ ზედაპირულად ამუშავებენ ლაკით ან სპეციალური ხსნარით.

ხის კოჭებს, მილებს, სადენებს და კარკასის სხვა დეტალებს არ მალავენ პირიქით გამოაჩენენ ხოლმე და თავისებურ დეკორის ელემენტებად აქცევენ.

სატიხრე კედლების სრული არ ქონა ასევე ლოფტის დამახასიათებელი შტრიხია, შენობის სივრცე მხოლოდ პირობითად ყოფენ ზონებად.

უხეშად დამუშავებულ ავეჯს და თანამედროვე ტექნიკას ერთმანეთს უთავსებენ შენობის ინდივიდუალობისათვის ხაზის გასასმელად.

და ბოლოს ნატურალური ხის და ლითონის მასალა, სიძველის ელემენტები ლოფტის განუყოფელი ნაწილია.

ინგლისური კლასიკა & Country

სტილი დახვეწილი გემოვნების, ნამდვილი ესთეტებისა და ზომიერად კონსერვატორი ადამიანებისთვის,ვისთვისაც მნიშვნელოვანია ოჯახური ტრადიცია , კომფორტი და ფუფუნება.

ამ სტილისთვის საჭიროა დიდი ფართი.იგი მუდამ მოდური და აქტუალურია.

სამზარეულოს დამზადებისას მნიშველოვანია მაღალი ხარისხის ნატურალური მასალა ხე, ქვა, მეტალი ან მაღალი ხარისხის მდფ. ეს სტილი ვერ იტანს უბრალო მასალას.

ფერები არის ნატურალური და აუცილებლად კონტრასტული.პოპულარულია პასტელის ფერები, მუქი მწვანე, მუქი წითელი ან მდოგვისფერი.

სამუშაომაგიდაკუნძულიდა ჭაღი ასევე ინგლისური სტილის დამახასიათებელი დეტალებია.

Modern

თანამედროვე სტილისადაც გეომეტრიული ფორმა და ოვალები ორგანულად ერწყმიან ერთმანეთს

მოდერნის მთავარი მახასიათებელი დეტალებია: სწორხაზოვანი გეომეტრიული ფორმებისა და ოვალების ურთიერთჩანაცვლება. ზედმეტი დეკორისგან თავისუფალი, მაგრამ მდიდრულად მოპირკეთბული ფასადი.

ფერების უხვი და თამამი არჩევანი
პრაქტიკული და ფუნქციური სათავსოები
ყველა სახის საყოფაცხოვრებო/სამზარეულო ტექნიკა

ხის; ლითონის; მინის ელემენტების სიუხვე სამზარეულო
ასეთ სტილში გამოიყურება მდიდრულად და ნატიფად. პრიალა პლასტიკით (აკრილით) მოპირკეთბული ზედაპირი კი დიდ სივრცეს და სასიამოვნო ვიზუალს ქმის.

Provence

ფრანგული პროვინციის ეშხი და ელეგანტურობა. სტილის მთავარი მახასიათებელი შტრიხი ნატურალური მასალაა: ხე, კერამიკა, ნატურალული ქვა. ავეჯი მზადდება ნათელ ფერებში, ვინტაჟური დეკორაციებით. ის ნაკლებად პრაქტიკულია ქალაქის პატარა ბინებისთვის. მას ძალიან უხდება შუშის მოხატული კარადები და ღია თაროები. იატაკი, პარკეტი და ლამინატი სასურველია იყოს ხის ან მასთან მიახლოვებული მასალის. ჭერზე მაგრდება ხის დიდი კოჭები სიმეტრიულად, რაც სიძველისა და სიმყუდროვის შეგრძნებას იძლევა. ეს სტილი ვერ იტანს სიპრიალეს და პოლირებას, ზედაპირები სასურველია იყოს გლუვი და მატოვი დაძველების ეფექტით.

სკანდინავიური

ეს სტილი იდეალურია პატარა სამზარეულოებისა და სტუდიოს ტიპის ბინებისთვის, მისთვის დამახასიათებიელია თეთრი და მასთან დაკავშირებული ფერები: კრემისფერი, რძისფერი, ცივი მეტალის და რუხი. ამ სტილის სამზარეულოს ხშირად აერთიანებენ მისაღებ ოთახებთან, როდესაც გამოყოფენ დიდი სასადილო მაგიდით და სკამებით. აქ სახელურები და მექანიზმები მინიმალური რაოდენობით ან საერთოდ არ გამოიყენება.

მინიმალიზმი

სადა სტილი მინიმალური დეკორით და მაქსიმალურად ფუნქციონალური კორპუსით. მასში როგორც წესი იყენებენ ერთმანეთთან შეხამებულ 2 ან 3 ფერს, რომელთაგანაც ერთ-ერთი საკმაოდ მკვეთრია. ფასადი ძირითადად პრიალა მდფს ან აკრილისგან მზადდება, ჭერზე დამაგრებული სხვადასხვა ზომის ჰალოგენები კი სივრცის ზრდის ილუზიას ქმნიან და ამ სტილის მნიშვნელოვან შტრიხს წარმოადგენენ.